Liverpooli po përgatit një ofensivë historike për të siguruar zëvendësuesin e Mohamed Salah, dhe emri më i përfolur është Michael Olise. Mesfushori francez, 23 vjeç, po shkëlqen te Bayern Munich dhe konsiderohet si një talent që mund të sjellë kreativitet, gol dhe lidership ofensiv për projektin e ri të “The Reds”.

Bayern Munichu e ka bërë të qartë se Olise nuk do të lirohet pa një ofertë të jashtëzakonshme.

Klubi gjerman vlerëson se francezi ka arritur një nivel të lartë në Bundesligë dhe është i gatshëm të rezistojë ndaj çdo tentativi për ta transferuar.

Liverpool duket i gatshëm të arrijë shifrën e 200 milionë eurove për transferimin e tij, duke e bërë këtë operacion investimin më të madh në historinë e klubit.

Në Angli, klubi punon gjithashtu në strukturën e kontratës dhe rolin kryesor që Olise do të ketë në skuadër.

Largimi i Mohamed Salah konsiderohet i pashmangshëm, me oferta nga Arabia Saudite dhe dëshirën e lojtarit për një ndryshim. Anfield kërkon që zëvendësuesi të sjellë ndikim të menjëhershëm, ndërsa Olise shihet si një lojtar me karakteristika të ndryshme dhe më shumë orientim drejt lojës kolektive.

Pritet një verë me negociata të ashpra mes Liverpool dhe Bayern Munichut, ku francezi do të jetë protagonisti kryesor. Fansat dhe mediat e Ligës Premier presin një lëvizje që mund të ndryshojë peizazhin e titujve në sezonin e ardhshëm, ndërsa Bayern bën rezistencë për të ruajtur yllin e ri në skuadër.