Benjamin Netanyahu, kryeministri izraelit, është zotuar se Izraeli do të vazhdojë luftën e tij kundër Hamasit deri në fund, derisa grupi militant të shkatërrohet.

“Ne po e vazhdojmë luftën deri në fund. Do të vazhdojë derisa Hamasi të shkatërrohet, deri në fitore, derisa të përmbushen të gjitha synimet që kemi vendosur: shkatërrimi i Hamasit, lirimi i pengjeve tona dhe largimi i kërcënimit nga Gaza”, deklaroi kryeministri.

Sipas tij, terroristët kanë dy mundësi, të vdesin ose të dorëzohen. Deklarata e Netanyahut se do të eliminojë Hamasin është parë më sy kritik edhe nga liderë botërorë. Ndërsa në politikën e brendshme, ai është akuzuar nga opozita se po e përdor këtë retorikë si element të fushatës për zgjedhjet e ardhshme.

“Kushdo që mendon se do të ndalemi është i pa ankoruar nga realiteti. Ne po hedhim zjarr mbi Hamasin, zjarrin e ferrit. Të gjithë terroristët e Hamasit, nga i pari tek i fundit përballen me vdekjen. Ata kanë vetëm dy mundësi: të dorëzohen ose të vdesin”, theksoi kryeministri i Izraelit.