Veprimtari Uk Lushi ka komentuar vendimin e djeshëm të Dhomave të Specializuara në Hagë, të cilat kanë refuzuar mocionin për rrëzimin e një pjese të aktakuzës ndaj ish-krerëve të UÇK-së.

Ai ka thënë se me këtë vendim Gjykata Speciale i ka dhënë flakaresha apatisë së shtetit të Kosovës dhe indiferencës së PDK-së.

Lushi ka shkruar në “Facebook” se nga fillimi kjo gjykatë ka treguar se ë do të bëjë politikë, kurse Kosova nuk ka ndërmarr asgjë.

“Gjykata Speciale sot i ka dhënë flakaresha mbi të gjitha apatisë së shtetit të Kosovës dhe indiferencës së poshtër të PDK-së. Gjykata prej se ka filluar ka treguar që do të bëjë politikë kurse ju jeni sjellur si strucër. E dini krejt ju kush jeni! Por populli do të ngritet dhe nuk do të lejojë lojën politike të vazhdojë më. As nga gjykata as nga ju”, ka shkruar Lushi.