Kreu i Skenderajt, Sami Lushtaku, ka reaguar pasi nga Levizja Vetëvendosje pretendojnë se ai bashkë me disa persona të tjerë e kanë sulmuar fizikisht Hysni Mehanin. Lushtaku ka thënë se “pushteti i Kurtit” ka tentuar që ta sulmojë sot duke i thënë “Sami Serbia”. Ai ka thënë se një gjë e tillë ka qenë e papranueshme për qytetarët dhe të njëjtit kanë reaguar. “Pushteti i Albin Kurtit përmes mekanizmave të tij tentoi që sot të më sulmoi në Skenderaj. E kam një jetë në shërbim të vendit kurse etiketat si “Sami Serbia” qytetarët nuk i tolerojnë më prandaj edhe reaguan!”, ka shkruar ai.