Lëvizja Vetëvendosje ka fituar mbi 60 për qind të votave në Ferizaj.

E kryetari i komunës që vjen nga PDK-ja, Agim Aliu, që 2 muaj më parë ka fituar me 60 për qind të votave, ka falënderuar qytetarët për mbështetjen.

Postimi i plotë në “Facebook”:

Në bazë të rezultateve preliminare të Komisionit Qendror Zgjedhor, në procesin e djeshëm zgjedhor, të qetë e demokratik, zhvilluar me pjekuri të lartë qytetare e politike, rezultoi se fituese e zgjedhjeve të parakohshme për Kuvendin e Kosovës është Lëvizja Vetëvendosje!, së cilës i uroj fitoren dhe punë të mbarë në drejtimin e vendit.

Falënderoj qytetarët për mbështetjen e vizionit të Partisë Demokratike të Kosovës, kandidatit tonë për kryeministër, z. Bedri Hamza dhe kandidatëve tonë për deputetë në Kuvendin e Republikës.

Falënderoj anëtarët, përkrahësit e aktivistët e Partisë Demokratike të Kosovës në Ferizaj e në gjithë vendin, për angazhimet, përpjekjet në këtë proces zgjedhor për forcën tonë politike.

Uroj ditë të mira, zhvillim, mirëqenie e progres për të gjithë!