Shefja e deputetëve të Lëvizjes Vetëvendosje, Arbërie Nagavci dhe deputeti Adnan Rrustemi kanë dalë në një konferencë për medie pas vendimit të Presidentes Osmani për shpërndarjen e Kuvendit të Kosovës.

Deputeti Adnan Rrustemi ka deklaruar se vendimi i presidentes Vjosa Osmani për ta shpërndarë Kuvendin është antikushtetues dhe arbitrar.

Ndërsa Arbërie Nagavci në fjalën e saj ka treguar gjithë kronologjinë e zhvillimeve politike deri tek dita e djeshme në Kuvend kur ka dështuar zgjedhja e presidentit në mungesë kuorumi. Ajo ka fajësuar partitë e tjera për dështimin.