Majko: Rama e Basha të ulen në tryezë, jo për veten por për Shqipërinë

27 shkurt 17:27

Ministri i Shtetit për Diasporën, Pandeli Majko, ka thënë se kryeministri Edi Rama dhe lideri i PD-së, Lulzim Basha duhet të ulen jo për të bërë pazar, por për të nxjerrë Shqipërinë nga një qerthull.

“Në fund fare dikush do të humbasë, por ndonjëherë në politikë humb duke fituar dhe fiton duke humbur”, ka thënë Majko në “Top Channel”.

Duke iu referuar aktualitetit politik, Majko ka thënë se precedenti që po vendos opozita është i rrezikshëm.

“Çfarë precedenti po hap Shqipëria? Nëse kemi këtë precedent që opozita nuk hyn në zgjedhje për X kryeministër, kthehet në model pastaj. Opozita duhet të pyesë veten se çfarë ndodh pas kësaj. Ja e morën pushtetin. Pas 6 muajsh dorëzojmë ne mandatet dhe themi nuk e duam këtë kryeministër. Mendoj se jemi klasë politike që po mbyll ciklin e vet dhe është e sigurt që në zgjedhjet që vijnë dikush do të lërë jo vetëm karrigen e politikës. Prandaj është ky polarizim në këtë moment”, ka thënë Majko.

Kur është pyetur nëse ka premisa për konflikt social, Majko ka thënë se “këtë e ndajnë njerëzit”, por, sipas tij, “konflikti civil kërkon më shumë sesa 10 mijë njerëz”.

“Në fund të fundit të gjithë kemi fëmijë e mbesa dhe ky është vend ku do të jetojmë të dyja palët. Duhen menduar punët me gjakftohtësi”, është shprehur Majko.

Fjalët Kyçe:

Lajme të sponsorizuara

Të fundit
Zëvendëskryeministri i Kosovës, Fatmir Limaj, i cili është edhe bashkëkryesues…