Ministri në detyrë i Mbrojtjes, Ejup Maqedonci, ka pritur në takim Komandantin e KFOR-it, Ozkan Ulutas.

Maqedonci ka thënë se me Ulutas kanë diskutuar rreth situatës së sigurisë.

“Prita sot në takim komandantin e KFOR-it, gjeneralmajor Ozkan Ulutaş. Diskutuam rreth situatës së sigurisë në nivel regjional dhe global. Gjithashtu shpreha dhe gatishmërinë për vazhdimin e koordinimit të ndërsjellë për çështjet me interes të përbashkët në kuadër të zhvillimeve aktuale dhe ndikimit të tyre në mjedisin e sigurisë”, ka shkruar në “Facebook” Maqedonci.