Sulmuesi Vedat Muriqi po vazhdon të shkruajë historinë e tij kundër skuadrës së Real Madridit.

Sulmuesi kosovar ka shënuar ndaj gjigantit spanjoll në katër vite radhazi: 2022, 2023, 2024 dhe 2025.

Sa herë që përballet me madrilenët, ai kthehet në një makth për mbrojtësit e Realit, duke treguar forcë, vendosmëri dhe efikasitet përballë portës.

Ky kontinuitet e ka bërë emrin e tij të spikatë jo vetëm në La Liga, por edhe në mediat spanjolle që tashmë i kushtojnë hapësirë të veçantë performancave të tij.

Një prej tyre është gazeta prestigjioze “Marca”, që e vlerëson Muriqin si një sulmues të shkëlqyer që gjithmonë gjen mënyrën për të ndëshkuar Real Madridin.

“Sa herë që Vedat Muriqi përballet me Real Madridin, është një betejë gjigante me qendërmbrojtësit e Real Madridit. Loja e tij e fuqishme ajrore është një sfidë e vazhdueshme për çdo kundërshtar”, shkruan gazeta spanjolle.

Gazeta spanjolle përshkuan golat e Muriqit, duke filluar me atë të ndeshjes së fundit, të cilën Mallorca e humbi 2:1, të shtunën mbrëma në “Santiago Bernabeu”.

“Gjysmë me shpinë, gjysmë me kokë, ishte goli i tij që hapi serinë e rezultateve, i pari i pësuar nga Real Madridi i Xabi Alonsos këtë sezon. Për gjigantin e Kosovës , është goli i tretë e gjysmë që ai shënon kundër Real Madridit. Gjysmë goli është sepse, në humbjen e Real Madridit në Son Moix në shkurt 2023, ishte kërcimi i tij me Nachon që e dërgoi topin në rrjetë”, vazhdon “Marca”.

Lëvdata për sulmuesin e Kosovës, vazhdon me fjalët: “Por përtej aftësive të tij nga goditjet standarde, sulmuesi nga Prizreni është një nga ata djemë që e kupton profesionin e tij si një monument për punën e palodhur. Ai bën gjithçka që një sulmues i madhësisë së tij duhet të bëjë për t’u siguruar që qendërmbrojtësit e dinë se shkuarja te dentisti është shumë më e qetë. Duke parë shumat se sa paguhen për disa sulmues”.