Mariam Nabatanzi është një grua 40-vjeçare që jeton në Ugandë. Ajo konsiderohet si gruaja më pjellore në botë, duke lindur, gjatë jetës së saj 44 fëmijë.

Gruaja njihet në fshatin e saj si Nalongo Muzaala Ban, e cila ka lindur gjashtë palë binjakësh.

Nga 44 fëmijët që kanë lindur, 38 janë ende gjallë sot dhe shumica e tyre jetojnë në shtëpinë e familjes.

Ajo që e rëndon më shumë situatën, është fakti që Mariami është një nënë e vetme. Pavarësisht të gjitha vështirësive, në një farë mënyre ajo arrin të sigurojë ushqim të mjaftueshëm në tryezë për të gjithë çdo ditë.

Në moshën 12-vjeçare ishte e martuar me një burrë të moshës 28 vjeç. Ajo i ka mbijetuar edhe një përpjekje vrasjeje nga njerka e saj.

Sipas dr. Kiggundu, gjinekologe e Spitalit Mulago në Kampala, Uganda, shkaku i pjellorisë ekstreme të Mariam është gjenetik.

“Është një predispozitë gjenetike për hyperovulation (që lëshon më shumë vezë në një cikël), gjë që rrit ndjeshëm mundësinë e binjakëzimit”, ka thënë ajo.