Margona Lahu është emëruar sërish nënkryetare e Komunës së Podujevës, raporton Llapi.info.

Emërimi i Lahut dhe pjesës tjetër të kabinetit është bërë i ditur sot nga kryetari i Komunës së Podujevës, Shpejtim Bulliqi.

Lahu ka qenë numri dy i Komunës edhe gjatë qeverisjes së kaluar të Lëvizjes Vetëvendosje.

“Sot kemi mbajtur takimin e parë të Bordit të Drejtorëve, në të cilin kemi folur për punët e mëdha, projektet dhe detyrat që i kemi para vetës. Zotimet që i kemi dhënë para qytetarëve, do të jenë edhe puna e përditshme e jona. Si qeverisje lokale do t’ju qëndrojmë pranë atyre që kanë më së shumti nevojë, do të jemi të hapur, bashkëpunues e transparent me qytetarët, shoqërinë civile e mediat”, ka shkruar Bulliqi.

Më poshtë kabineti qeverisës:

Nënkryetare e Komunës: Marigona Lahu,

Drejtore e Drejtorisë së Administratës: Antoneta Ejupi,

Drejtor i Drejtorisë për Buxhet dhe Financa: Fatlum Osmani,

Drejtor i Drejtorisë së Arsimit: Avni Fetahu,

Drejtor i Drejtorisë së Shëndetësisë dhe Mirëqenies Sociale: Driton Veliu,

Drejtor i Drejtorisë së Shërbimeve Publike, Mbrojtje dhe Shpëtim: Bahri Selimi

Drejtore e Drejtorisë së Pronë, Kadastër dhe Gjeodezi: Bahrie Shatrolli Mehmeti,

Drejtor i Drejtorisë së Bujqësisë, Pylltarisë dhe Zhvillimit Rural: Fatmir Rudari,

Drejtor i Drejtorisë së Inspeksionit: Besnik Mulliqi,

Drejtor i Drejtorisë për Kulturë, Rini dhe Sport: Pajtim Balaj,

Drejtor i Drejtorisë për Planifikim dhe Zhvillim Ekonomik: Vigan Salihu.

Kryetari i Podujevës ka shkruar se ekzekutivi shpejt do të plotësohet edhe me drejtorin e Drejtorisë për Planifikim Urban dhe Mbrojtje e Mjedisit.