Për të tretin vit me radhë, Marc Marquez nuk zhvillon një sezon të plotë. Piloti spanjoll i Hondas u operua për të katërtën herë në tri vitet e fundit, duke mbyllur para kohë sezonin.

Tetë herë kampioni i botës në garat e motoçiklizmit, do të jetë këtë fundjavë në Austri, në garën e radhës në MotoGP, jo për të garuar por për të qenë pranë skuadrës dhe parë modifikimet për sezonin e ardhshëm.

Duke folur për operacionin që kreu në krahun e djathtë tri muaj më parë, ai shprehet: “Pas 4 operacionesh, duket se situata po shkon drejt rikuperimit total. Ky operacion i fundit duhej bërë, ose në të kundërt do të tërhiqesha në garat”. “Objektivi im për të ardhmen ndoshta nuk do të jetë më fitimi i titullit kampion, por dua të argëtohem duke pilotuar. Dua të pilotoj pa ndjerë dhimbje. Më pas, të shohim se deri ku mund të arrij”, ka thënë Marc Marquez.