Kapiteni i Francës, Kylian Mbappe, ka komentuar rivalitetin me Lionel Messin, vetëm një ditë pasi ylli argjentinas vendosi një rekord të ri në Kupën e Botës.

Messi shkëlqeu në fitoren e Argjentinës ndaj Austrisë, duke realizuar dy gola dhe duke u bërë golashënuesi më i mirë në historinë e Botërorit me 18 gola.

Pas tij renditet Mbappe me 16 gola, duke e bërë edhe më interesante garën mes dy prej futbollistëve më të mëdhenj të epokës moderne për rekordet historike të këtij kompeticioni.

I pyetur për Messin, sulmuesi francez foli me admirim për arritjet e tetë herë fituesit të Topit të Artë, duke theksuar se nuk është i fokusuar te krahasimet e drejtpërdrejta.

“Jo, nuk e shikoj se çfarë bën Leo. Ai gjithmonë ka shënuar, shënon dhe do të shënojë gjithmonë. Këtë e kam thënë edhe më parë. Nëse dua ta ndjek atë që bën ai, atëherë duhet të bëj edhe më shumë”, ka deklaruar Mbappe.