Avokati i Kadri Veselit, Rodney Dixon, ka thënë se të gjitha pretendimet e drejtpërdrejta apo rrethanore kundër Veselit “janë të pabazuara”.

Si shembull ai ka marrë një video të publikuar nga ZPS-ja në gjykatore ku një dëshmitar ka thënë a se kishte dëgjuar nga dikush se Veseli ishte përfshirë në krime.

“Ky është thashethem i pastër. Ky klip është i pavlerë”, ka thënë ai, duke shtuar se nuk është provë dhe se mbrojtja nuk ka mundur ta marrë në pyetje këtë dëshmitar.

Ai po ashtu ka thënë se kundërshtojnë që dëshmia e një dëshmitari për ndalimet në Kleçkë, është dëshmi e bazuar “në thashetheme”.