Policia e Kosovës në konferencë të jashtëzakonshme ka bërë me dije se Administrata Tatimore e Kosovës (ATK) ka mbyllur 35 lokale që veprimtari të tyre kanë pasur lojërat e fatit.

“Nga ATK-ja janë mbyllur 35 lokale të lojërave të fatit, ndërsa Dogana ka konfiskuar 18 aparate të lojërave të fatit”, ka thënë Agron Nezaj nga Divizioni kundër krimit të organizuar, i cili funksionon në kuadër të Policisë së Kosovës.

Nezaj ka thënë se në këtë aksion janë përfshirë gjithsejtë 235 lokacione.