Gjykata Themelore në Prishtinë ka marrë vendim që më 22 janar ta shpallë aktgjykimin për rastin e “Syrit të Popullit”.

Të premten ka përfunduar dhënia e fjalës përfundimtare nga katër të akuzuarit në këtë proces gjyqësor.

Ata duke i mohuar akuzat e kanë cilësuar ngritjen e aktakuzës si të montuar dhe politike. Po ashtu fjalën përfundimtare e ka dhënë edhe i akuzuari për tentim vrasjen e avokatit, Azem Vllasi, Murat Jashari pavarësisht që gjykata e ka liruar për shkak të sëmundjes.