“Sot realizuam një foto të veçantë me Blendi Kallabën, studentin tonë të jashtëzakonshëm – krijuesin e palodhshëm pas imazhit modern të Fakultetit të Edukimit Fizik dhe Sportit”, ka njoftuar ky fakultet në faqen zyrtare në “Facebook”.

Sipas këtij njoftimi, pas dhjetëra videove, qindra fotografive, dhjetëra dizajneve dhe pafund ideve kreative, Blendi ka qenë forca e qetë dhe zëri i padukshëm pas skenës, që e ka transformuar dukshëm paraqitjen e Fakultetit të Edukimit Fizik dhe Sportit.

“Ai nuk ka qenë vetëm pjesë e procesit – ai ka qenë motori i tij, duke e udhëhequr me pasion, përkushtim dhe profesionalizëm. Faleminderit, Blendi! Për çdo ide të guximshme, për çdo detaj të realizuar me dashuri dhe për çdo kontribut që ka lënë gjurmë. Fakulteti ynë është krenar me ty – dhe historia jote është tashmë pjesë e historisë sonë”, ka njoftuar ky fakultet.