Medalistja e artë australiane në Lojërat Paralimpike të Tokios 2020, Paige Greco, ka vdekur në moshën 28-vjeçare.

Paraçiklistja, e cila siguroi medaljen e parë të artë për vendin e saj në Lojërat Paralimpike të Tokios 2020, vdiq të dielën në shtëpinë e saj në Adelaide pas një “epidemi të papritur mjekësor”, ka thënë AusCycling, organi qeverisës kombëtar i sportit, shkruan “BBC”.

Familja e Grecos është “e shkatërruar nga humbja e saj, (por) jashtëzakonisht krenare për personin që ajo ishte dhe mënyrën se si përfaqësoi Australinë”.

“Paige ishte gjithçka për ne. Mirësia, vendosmëria dhe ngrohtësia e saj e prekën familjen tonë çdo ditë”, ka thënë nëna e saj Natalie Greco në një deklaratë të publikuar nga AusCycling.