Në konferencën për rindërtimin e Ukrainës që po mbahet në Romë, kancelari gjerman Friedrich Merz e pati një mesazh të drejtpërdrejtë për Uashingtonin dhe presidentin amerikan Donald Trump.

Duke theksuar rëndësinë e bashkëpunimit transatlantik, Merz ka drejtuar një mesazh drejt Trumpit, duke i kërkuar të qëndrojë me evropianët.

“Kam një mesazh të drejtpërdrejtë për Uashingtonin dhe presidentin Donald Trump: qëndro me ne, qëndro me evropianët.”

Ai tutje ka shtuar: “Jemi në të njëjtën faqe dhe kërkojmë një rend politik të qëndrueshëm në këtë botë… Qëndro me ne, në këtë anë dhe në këtë faqe të historisë sonë të përbashkët”.