Sulmuesi Lionel Messi ende nuk e ka konfirmuar nëse do të marrë pjesë në Kupën e Botës 2026 me Kombëtaren e Argjentinës. Sipas mediumit Ole, aktualisht nuk ka asnjë garanci se argjentinasi 38-vjeçar do të luajë në turneun më të madh në botë për kombëtare.

Messi preferon t’i marrë gjërat “nga dita në ditë” dhe aktualisht është i përqendruar në ndeshjen kualifikuese të Argjentinës për Kupën e Botës kundër Venezuelës më 5 shtator. Njerëzit pranë Messit kanë lënë të kuptohet se vendimi do të merret gradualisht. “Do të jetë një vendim shumë personal dhe ai do ta marrë kur të ndihet gati”, thanë burimet Messit. Për momentin, të gjitha shenjat tregojnë se Messi do të marrë pjesë në Kupën e Botës 2026, e cila do të mbahet në ShBA, Kanada dhe Meksikë.

Si trajneri i Argjentinës, Lionel Scaloni, ashtu edhe presidenti i FIFA-s, Gianni Infantino, janë të bindur se ai do të luajë, dhe thuhet se edhe ish-presidenti i ShBA-së, Donald Trump, e mbështet këtë ide.