Meta flet për ‘grusht shtetin’, akuzon mazhorancën për veprime arbitrare (Video)
17 shkurt 2020
| 17:38
Kallëzimit penal ndaj Ardian Dvoranit, presidenti Ilir Meta , i ka shtuar prova të reja duke paralajmëruar depozitimin në organet e drejtësisë për te thelluar hetimin.
Presidenti Meta këtë herë do të shkojë vetë në Venecia për të denoncuar grushtin e shteti që sipas tij mazhoranca po bën me emërimin e anëtarëve të kushtetueses.
Dorëheqja nuk është në planet e Ilir Metës ndërsa këmbëngul se për betejën e tij do vijë dita që do kërkojë edhe mbështetjen e popullit.
Kundërsulmi më i afër ndaj mazhorancës për formulën e re të betimit të anëtarëve të kushtetueses janë dekretet.
Kryetari i shtetit nuk i ka kursyer kritikat kundër paketës anti-KÇK, synimi i së cilës sipas tij është nxirja e drejtësisë dhe anëtarëve të saj.