Michelle Obama, ish-Zonja e Parë e Shteteve të Bashkuara, ka zbuluar së fundmi se aktualisht është në terapi, teksa përballet me një kapitull të ri tranzicioni në jetën e saj. Gjatë një bisede të sinqertë në podcast-in “On Purpose” me Jay Shetty, ajo ndau sfidat që po përjeton si rezultat i të qenit “empty nester” (një prind, fëmijët e të cilit janë rritur dhe janë larguar nga shtëpia), procesit të lënies pas të ndjenjës së fajit dhe përgatitjes mendore për atë që e cilësoi si “faza e ardhshme” e jetës.

“Po i lejoj vetes të reflektoj, të jetoj një jetë më të lirë, gjë që ende duhet ta punoj – të lë pas fajin,” pranoi Michelle me sinqeritet. “Më duhet të mësoj si të jetoj sërish në një hapësirë të ndryshme. Dhe kjo është një nga arsyet pse jam në terapi,” shtoi ajo.

Këto reflektime të saj vijnë në një kohë kur spekulimet e shumta mbi martesën e saj me Barack Obama kanë qenë në qarkullim. Megjithatë, Michelle ka mbetur e palëkundur në mbrojtjen e integritetit të marrëdhënies së tyre. Gjatë një paraqitjeje në një podcast tjetër në prill, ajo iu përgjigj drejtpërdrejt thashethemeve për divorc:

Barack dhe unë kemi një martesë shumë të fortë. Kemi kaluar ulje-ngritje si çdo çift, por nuk ka asgjë që po ndodh.

Ajo shpjegoi se vendimet e saj për të mos marrë pjesë në evente publike, si inaugurimi i Donald Trump-it apo funerali i ish-Presidentit Jimmy Carter, nuk kishin lidhje me martesën e saj, por me mbrojtjen e paqes së saj personale.

Jam në një pikë ku po zgjedh veten time. Kam qenë aty për të gjithë, dhe tani është koha të krijoj hapësirë për veten time. Kjo nuk do të thotë se martesa ime po dështon – do të thotë që unë po rritem.

Sipas Michelle, seancat e terapisë nuk janë një përgjigje ndaj krizës, por një mënyrë për t’u “rregulluar” mendërisht dhe emocionalisht, për të mbetur e ekuilibruar. Ish-Zonja e Parë gjithashtu ndau se ka luftuar me barrën e të qenit gjithmonë perfekte, një presion që e ka shoqëruar që nga ditët e saj në Shtëpinë e Bardhë.

Thjesht mësohesh me idenë se je gjithmonë e nevojshme. Dhe kur kjo nevojë ndryshon, është si të pyesësh veten: ‘Po tani çfarë bëj me veten?’

Reflektimet e Michelle mbi shëndetin mendor dhe përkushtimi i saj për zhvillimin personal tregojnë rolin e saj të vazhdueshëm si një figurë publike që avokon për qëndrueshmëri emocionale dhe transparencë. Sinqeriteti i saj jo vetëm që frymëzon shumë njerëz.