Rusia ka sulmuar Ukrainën gjatë natës së të enjtes me dronë dhe raketa balistike, duke shkaktuar dëme të mëtejshme në infrastrukturën energjetike të vendit dhe duke lënë dhjetëra mijëra banorë pa ngrohje, energji elektrike dhe ujë në Kiev, Dnipro dhe Odesa, njoftuan autoritetet.

Ky sulm është pjesë e intensifikimit të fushatës dimërore të Rusisë ndaj rrjetit elektrik të Ukrainës, duke shkaktuar periudha të gjata të errësirës dhe temperaturave të ulëta në qytetet kryesore, raporton Reuters.

Vetëm në Kiev, rreth 3 mijë e 500 pallate banimi mbetën pa ngrohje të enjten, pasi sulmi i fundit ndërpreu furnizimin me energji për gati 2 mijë e 600 ndërtesa të larta, përveç 1 mijë e 100 të prekura tashmë nga grevat e mëparshme, tha kryebashkiaku Vitali Klitschko.

Më shumë se 100 mijë familje mbetën pa energji elektrike, sipas firmës private të energjisë DTEK, e cila tha se një nga termocentralet e saj ishte shënjestruar, por nuk e zbuloi vendndodhjen.