Jeff Bezos është parë duke zbritur në Cabo San Lucas me të dashurën Lauren Sanchez për një arratisje romantike për Shën Valentin.

Kjo është shfaqja e parë e tij në publik që pas njoftimit se do të largohej si CEO i Amazon. Bezos, 57 vjeç dhe Sanchez 51 vjeçe mbërritën në vendin luksoz të pushimeve meksikane me një avion privat të premten.

Miliarderi, e dashura e tij dhe shoqëruesit e tyre u panë me maska në fytyrë, teksa zbarkuan avionin privat në Cabo.

Pas 27 vitesh, shefi ekzekutiv (CEO) i Amazon, Jeff Bezos ka vendosur të tërhiqet këtë vit nga kjo detyrë, për t’u bërë kryetar ekzekutiv.

Me anë të një letre drejtuar punonjësve të tij, ai tha se ishte koha e duhur për ta bërë këtë lëvizje, e cila do ndodhë në tremujorin e tretë të vitit.

Bezos theksoi se ai do vazhdojë të jetë “i angazhuar në iniciativa të rëndësishme të Amazon”, por do ta kthente vëmendjen më shumë nga iniciativat e tij personale të ndryshimit të klimës dhe nga kompania e kërkimit në hapësirë, Blue Origin, si dhe gazeta Ëashington që ai zotëron.

Jeff Bezos ka qenë CEO i Amazon që nga themelimi i saj në 1994-ën, duke u bërë një nga njerëzit më të pasur në botë me një vlerë të tanishme prej gati 200 miliardë dollarësh, sipas Forbes.