Një aksident tragjik në të cilin humbën jetën 10 persona ka ndodhur mëngjesin e sotëm në Kroaci. Në të ishte i përfshirë një autobus me regjistrim të Kosovës që po udhëtonte në linjën Frankfurt-Prishtinë.

Ministri i Shëndetësisë së Kroacisë, Vili Berosh, ka thënë nga vendi i ngjarjes se në autobus kishte edhe fëmijë.

“Kishte gjithashtu 15 të mitur në autobus, një vajzë u lëndua rëndë”, ka thënë Berosh, raporton “Dnevnik.hr”.

Ai është shprehur se të lënduarit janë të pajisur me strehim, ushqim dhe gjithçka që u nevojitet.