Ministrja e Danimarkës saj  Çështjet Evropiane, Marie Bjerre ka shprehur shqetësimin e saj rreth marrëdhënieve të ngushta mes Serbisë e Rusisë.

Sipas saj, Serbia bashkëpunon me shtetin rus, pavarësisht se Rusia përbën një kërcënim për BE-në.

“Rusia është një kërcënim për BE-në. Ne duhet të tregojmë vendosmëri dhe të ushtrojmë presion shtesë mbi të”, tha Bjere.

Nga të gjitha vendet e Ballkanit Perëndimor, vetëm Serbia nuk i është bashkuar sanksioneve të BE-së kundër Rusisë.

Zyrtarët e lartë të Serbisë vazhdojnë të mbajnë marrëdhënie të ngushta me Kremlinin, pavarësisht thirrjeve nga Brukseli se Serbia është e detyruar, si vend kandidat për anëtarësim në BE, të përafrojë gradualisht politikën e saj të jashtme dhe të sigurisë me atë të Bashkimit Evropian.