Mjeku Pipero: As familjarët nuk më rrinë afër, është situatë jo e këndshme

29 prill 00:41

Mjeku i njohur, Pëllumb Pipero, zbuloi sonte në emisionin “Open” se duke qenë se ai është shumë i ekspozuar me Covid-19 i është dashur që të ruaj distancën me familjarët e tij.

Sipas Piperos, koha që qëndron pranë familjarëve është shumë e shkurtër.

Ndërkohë, mjeku i njohur ka shtuar se edhe njerëzit në jetën e përditshme duke qenë se e dinë që ai shërben tek Infektivi i mbajnë distancë sikur të jetë i kontaminuar.

“Më ka ndodhur edhe mua. Më kanë kujdes se kujtojnë se kam koronën me vete. Që kujdes, mbaj distancën duke qenë se jam mjek. Normalisht që jam më i ekspozuar. Mos kujtoni se familjarët më rrinë shumë afër. Sigurish, koha e ekspozimit bashkë është vetëm disa minuta”, ka thënë Pipero.

“Është një situatë jo e këndshme por e domosdoshme për të qenë të kujdesshëm”, ka shtuar më pas mjeku i njohur.

Lajme të sponsorizuara

Të fundit
Infektologu Murat Mehmeti, ka folur lidhur për rezultatet e sontme…