Ministria e Punëve të Brendshme ka shpallur tender në vlerë rreth 120 mijë euro për furnizim me bileta aeroplani për udhëtime zyrtare për nevoja të stafit.

Me këtë kontratë, Ministria që udhëhiqet nga Xhelal Sveçla po planifikon blerjen e 261 biletave. Sipas një përllogaritje të thjeshtë i bie që një biletë të kushtojë rreth 450 euro, shkruan Reporteri.net.

“*Vlera e biletës prej 450 euro është një vlerë që shërben vetëm për kalkulim të çmimit dhe çmimi total do të përdorët vetëm për nevojat e vlerësimit të tenderit dhe nuk përcakton çmimin real të kontratës pasi që çmimi do të krijohet përgjatë zbatimit të kontratës  nga çmimet që do të procedohen nga sistemi kompjuterik i rezervimit AMADEUS, GALILO, SABRE, apo sistem tjetër të barasvlershëm apo sisteme online. Kontrata do te bazohet ne sasi”, thuhet në dosje.

Kohëzgjatja e kontratës është për 36 muaj, teksa relacionet nuk janë definuar./Reporteri.net