Ministria e Punëve të Jashtme e Izraelit përmes një postimi në “X” ka thënë se Irani ka sulmuar sërish “civilët” në Izrael derisa ishin në gjumë.

MPJ izraelite thotë se 8 persona janë vrarë, në mesin e tyre 4 fëmijë.

“Më shumë se 200 janë lënduar. 35 janë ende të zhdukur”, thuhet në njoftim.

“Irani targeton të pafajshmit. Izraeli targeton lokacionet bërthamore dhe ushtarake – për të ndaluar regjimin terrorist më të rrezikshëm në botë nga sigurimi i armëve më të rrezikshme në botë. Ne do të bëjmë gjithçka që duhet për të mbrojtur popullin tonë. Izraeli po bën atë që duhet bërë.”