Ministria e Punëve të Jashtme dhe Diasporës e Republikës së Kosovës (MPJD) ka njoftuar se në ambientet e jashtme të Ambasada e Republikës së Kosovës në Berlin janë vendosur etiketa fyese me përmbajtje shoviniste në gjuhën serbe.

Sipas njoftimit, mbishkrimet përfshijnë slogane nacionaliste si: “Nuk ka dorëzim” dhe “Kosova është Serbi”, me konotacion nxitës dhe përçarës.

Ambasada ka informuar menjëherë autoritetet gjermane, ndërsa policia pritet të nisë hetimet për identifikimin e përgjegjësve.

MPJD-ja ka dënuar ashpër aktin, duke e cilësuar të papranueshëm dhe në kundërshtim me konventat ndërkombëtare për paprekshmërinë e misioneve diplomatike.

Kosova është thënë në reagim, mbetet e përkushtuar ndaj paqes, dialogut dhe marrëdhënieve të mira ndërkombëtare.