Murati: Qeveria sërish do të manipuloj në emër të Ligjit për rimëkëmbje ekonomike
Deputeti i Lëvizjes Vetëvendosje dhe kryetari i Komisionit për Buxhet dhe Financa, Hekuran Murati, ka thënë se Qeveria Hoti pas kalimit të këtij ligji serish do të arsyetohet për shtyrjen e zbatimit të tij për shkak të buxhetit.
“Tash që edhe Ligji për Rimëkëmbje kaloi, qëllojani se cili do të jetë arsyetimi i radhës! Shënojeni diku se, TANI do të thonë që nuk do të mund t’u ndihmojnë qytetarëve pa kaluar buxheti i vitit 2021. Ata nuk e kanë hallin e qytetarëve dhe ekonomisë, por si t’ia zgjasin jetën kësaj qeverie ilegale e të zhvatin sa më shumë”, ka shkruar Murati.
Postimi i plotë i Muratit në “Facebook”:
Kur e morën qeverinë, thanë se nuk do të mund t’u ndihmojnë qytetarëve pa u miratuar Rishikimi Buxhetor.
Thanë, fajin e ka opozita.
Kur u miratua Rishikimi Buxhetor, thanë se nuk do të mund t’u ndihmojnë qytetarëve pa u miratuar Ligji për Rimëkëmbje.
Thanë, fajin e ka opozita.
Tash që edhe Ligji për Rimëkëmbje kaloi, qëllojani se cili do të jetë arsyetimi i radhës!
Shënojeni diku se, TANI do të thonë që nuk do të mund t’u ndihmojnë qytetarëve pa kaluar Buxheti i vitit 2021.
Dhe përsëri do ta fajësojnë opozitën.
Pra kuptojeni, këta nuk e kanë hallin e qytetarëve dhe ekonomisë. Hallin e vetëm e kanë se si t’ia zgjasin jetën kësaj qeverie ilegale e të zhvasin sa më shumë.