Deputetja Ganimete Musliu, ka reaguar ashpër pas deklaratave të Lëvizjes Vetëvendosjes, e cila e ka krahasuar PDK-në me Listën Serbe.

Përmes një postimi në “Facebook”, Musliu ka thënë se ta krahasosh PDK-në me ata që mohojnë Republikën, është turp dhe mashtrim politik.

Musliu ka theksuar se ata që nuk kanë rezultate, kërkojnë armiq për t’i fshehur dështimet e veta.

“Krahasimi që Vetëvendosje i bën PDK-së me Listën Serbe është i ulët, i rrezikshëm, i pavërtetë dhe thellësisht fyese për vet shtetin e Kosovës. Ta krahasosh PDK-në me ata që mohojnë Republikën është turp dhe mashtrim politik. Kjo gjuhë e urrejtjes nuk është politikë, është dëshpërim. Ata që s’kanë rezultate, kërkojnë armiq për t’i fshehur dështimet e veta”, ka shkruar ajo.

Më tutje, Musliu ka thënë se PDK-ja është dhe do të mbetet shtylla e shtetit të Kosovës.

“Populli e di mirë kush ka dhënë për këtë vend. Vetëvendosje dje mori atë që e mbolli. Tani është koha për ide, jo për shpifje. Për punë, jo për propagandë. Për Kosovën, jo për pushtet”, ka shkruar Musliu.