Deputetja e Partisë Demokratike të Kosovës (PDK), Ariana Musliu-Shoshi, ka kritikuar presidenten Vjosa Osmani dhe kryeministrin Albin Kurti.

Ajo ka vlerësuar se Kosova ka nevojë për mendje të mëdha që bashkojnë, jo për pushtete që përplasen.

Musliu-Shoshi ka shkruar në “Facebook”  se binomi Kurti-Osmani i kanë sjell dëme Kosovës.

“Në histori, shtetet dobësohen jo kur kanë pak pushtet, por kur pushteti humb sensin e përgjegjësisë. Binomi Albin Kurti dhe Vjosa Osmani po dëshmon se kur ambicia i paraprin vizionit, shteti mbetet peng i vetvetes. Ky vend ka nevojë për mendje të mëdha që bashkojnë, jo për pushtete që përplasen sepse kur udhëheqja humb drejtimin, Kosova është ajo që humb”, ka shkruar Musliu-Shoshi.