Deputeti nga Lidhja Demokratike e Kosovës, Besian Mustafa ka kritikuar Qeverinë për mosuljen e akcizës dhe TVSh-së për derivatet, ndonëse çmimi i naftës ka arritur rreth 1.85 euro për litër.

Përmes një postimi në “Facebook”, Mustafa ka krahasuar situatën në Kosovë me atë në Maqedoninë e Veriut, duke shkruar se atje janë ndërmarrë masa për lehtësimin e qytetarëve, ndonëse në Kosovë sa më të larta çmimet, aq më shumë, sipas tij, Qeveria Kurti votohet.

“Maqedonia, ku nafta kushton 1.55 euro, dje ka ulur akcizën për 7 cent ndërsa para dy jave ka ulur TVSh nga 18% në 10%. Qeveria e Kosovës nuk e ka ulur as akcizën as TVSh, anipse çmimi është 1.85+. Mos lsho pe Albin! Sa ma të larta çmimet qaq ma shumë po të votojnë!”, ka shkruar Mustafa.