Për nder të 18-vjetorit të shpalljes së Pavarësisë së Kosovës, kryetari i Bashkësisë Islame të Kosovës, myftiu Naim Tërnava, i shoqëruar nga bashkëpunëtorët e tij dhe nga anëtarët e Kryesisë së BIK-ut, ka vizituar varrezat e familjes Jashari në Prekaz.

Para varrezave të Jasharve, përfaqësuesit e Bashkësisë Islame të Kosovës, të kryesuar nga myftiu Tërnava, kanë kënduar nga një Fatiha, duke lutur Zotin e Madhëruar që t’i ketë mëshiruar me mëshirën e Tij dhe t’i pranojë si dëshmorë, transmeton Klankosova.tv.