Nënkryetarja e zgjedhur e Kuvendit të Kosovës, Arbërie Nagavci, ka falënderuar deputetët për dhënien e besimit.

Ajo ka thënë se do të jetë krah Kryetarit të Kuvendit, Glauk Konjufca për ta përfaqësuar Vetëvendosjen.

“Uroj që sa më parë të fillojë punën dhe Qeveria Kurti e të ecim para bashkarisht drejt ndryshimeve në të mirë të qytetarëve dhe vendit tonë”, ka shkruar Nagavci në llogarinë e saj në “Facebook”.

Postimi i plotë i saj:

Të dashur miq,

Ju falenderoj përzemërsisht për urimet e shumta me rastin e pranimit të përgjegjësisë së nënkryetares së Kuvendit!

Mirënjohëse pafundësisht për vlerësimin dhe  besimin e Kryetarit Kurti dhe Lëvizjes VETËVENDOSJE! që unë të jem në këtë pozitë!

Faleminderit dhe kolegëve deputet që na dhanë besimin duke na votuar!

E nderuar që do të jem në krah të Glauk Konjufcës dhe do të përfaqësojmë LV! në këto pozita të rëndësishme!

Me nder e përkushtim do të angazhohemi në zbatim të obligimeve  kushtetutuese, ligjit  e rregullores , do të kryesojmë legjislativin në funksion të shtetit të së drejtës, me respekt e efikasitet.

Uroj që sa më parë të filloi punën dhe Qeveria Kurti e të ecim para bashkarisht drejt ndryshimeve në të mirë të qytetarëve dhe vendit tonë.

Shëndet, mbarësi e suksese!