Gjatë ditës së sotme është bërë i ditur lajmi për ndarjen nga jeta të zyrtarit të Policisë së Kosovës, Beqir Sefa, i cili për vite me radhë shërbeu në Policinë Kufitare të vendit.

Lajmi për vdekjen e tij është konfirmuar nga familjarët dhe kolegët, të cilët kanë shprehur dhimbjen për humbjen e tij.

Beqir Sefa ishte i njohur edhe për një ngjarje të rëndë në të kaluarën, kur ai ishte kidnapuar nga xhandarmëria serbe në vijën kufitare Kosovë–Serbi, së bashku me dy kolegë të tjerë, duke shkaktuar reagime të shumta në opinionin publik.

I ndjeri do të kujtohet për përkushtimin dhe shërbimin e tij në ruajtjen e rendit dhe sigurisë në vend.