Ndalohet një person për keqpërdorim të pozitës apo autoritetit zyrtar

14 janar 13:33

Prokuroria Themelore në Ferizaj, Departamenti për Krime të Rënda ka njoftuar opinionin publik se pas një hetimi njëmujor nga ana e Prokurorisë, me vendim të Prokurorit të Shtetit, ka ndaluar të dyshuarin H.G., në kohëzgjatje prej 48 orësh, pasi dyshohet se i njëjti ka kryer veprën penale “Keqpërdorimi i pzoitës apo autoritetit zyrtar” nga neni 414 të Kodit Penal të Republikës së Kosovës (KPRK).

Sipas Prokurorisë, dyshohet se H.G., si ushtrues i detyrës së drejtorit të Spitalit të Përgjithshëm në Ferizaj, ka keqpërdorur detyrën e tij zyrtare, duke e furnizuar veturën e tij private me derivate të naftës në kuadër të tenderit të paraparë për Spitalin e Përgjithshëm në Ferizaj.

Prokuroria Themelore në Ferizaj, brenda afatit ligjor, ndaj të njëjtit, do të vendos për procedurat e mëtejme hetimore.

 

Lajme të sponsorizuara

Të fundit
Reagim i KMDLNj-së Qeveria e Serbisë ka caktuar mbajtjen e…