Dje në Yorktown të Nju Jorkut, u mbajt ceremonia mortore në nderim të atdhetarit shqiptar Rexhep Balidemaj, i cili ndërroi jetë para ca ditësh në moshën 102-vjeçare.

Në emër të Konsullatës së Përgjithshme të Republikës së Kosovës në Nju Jork, në praninë e shumë bashkatdhetarëve tanë, një fjalë rasti për jetën dhe veprën e patriotit Balidemaj mbajti ambasadori Blerim Reka, i cili foli për sakrificën dhe atdhedashurinë e të ndjerit që kaloi 16 vite si i burgosur politik në burgjet e Serbisë.