Presidenti i ShBA-së, Donald Trump, hodhi poshtë të hënën raportet se kryetari i Shtabit të Përbashkët, gjenerali Dan Cain, ishte kundër një sulmi amerikan ndaj Iranit, duke i quajtur të rreme dhe duke pretenduar se pa një marrëveshje, Irani mund të presë pasoja serioze.

“Ka shumë histori nga ‘media e lajmeve të rreme’ që pretendojnë se Gjenerali Dan Caine, ndonjëherë i quajtur Razin, është kundër luftës kundër Iranit. Kjo histori nuk ia atribuon askujt këto sasi të mëdha njohurish dhe është 100 për qind e pasaktë”, tha Trump në platformën e tij Truth Social.

Deklaratat e tij pasuan raportimet e mediave lokale se Caine i kishte këshilluar Trump dhe zyrtarët e lartë se një fushatë ushtarake kundër Iranit mund të mbartte rreziqe të konsiderueshme.

“Unë jam ai që merr vendimin, do të preferoja të kishim një marrëveshje sesa të mos kishim, por nëse nuk arrijmë një marrëveshje, do të jetë një ditë shumë e keqe për atë vend dhe, për fat të keq, për njerëzit e tij, sepse ata janë të shkëlqyer dhe të mrekullueshëm, dhe diçka e tillë nuk duhet t’u ndodhë kurrë atyre”, tha Trump.