Komuna e Skenderajt ka njoftuar të gjithë qytetarët se nga nesër (e premte) do të fillojë procesi i aplikimit për vlerësimin e dëmeve të shkaktuara në ekonomitë familjare dhe biznese, si pasojë e dëmtimeve të evidentuara nga vërshimet.

“Të gjithë qytetarët e prekur ftohen që brenda afatit të përcaktuar të paraqesin kërkesën e tyre pranë Komisionit Komunal për Vlerësimin e Dëmeve”, ka njoftuar Komuna e Skenderajt.

Dokumentacioni i nevojshëm për aplikim:

1. Të dhënat personale të aplikuesit (emri, mbiemri, numri personal, adresa dhe numri kontaktues);
2. Kopje e letërnjoftimit;
3. Konfirmimi bankar (llogaria bankare në emër të aplikuesit);
4. Fotografi që dëshmojnë gjendjen reale të dëmeve, të realizuara nga vendi i dëmtuar;
5. Çdo dokument shtesë që vërteton pronësinë ose dëmin e pësuar (nëse ka).
Afati për aplikim:
• Afati për dorëzimin e kërkesave është 8 (tetë) ditë pune nga data e publikimit të këtij njoftimi.

“Vendndodhja për dorëzim: Kërkesat dorëzohen personalisht pranë Komisionit Komunal për Vlerësimin e Dëmeve, sporteli numër 13, Komuna e Skenderajt.
Për informata shtesë, qytetarët mund të drejtohen në zyrat e Komunës së Skenderajt gjatë orarit zyrtar të punës”, ka njoftuar Komuna e Skenderajt.