Veprimtari Naser Sadiku, i cili jeton dhe vepron në Gjermani, ka bërë të ditur se vetëm nga Heilbronni janë nisur rreth 300 bashkatdhetarë drejt Hagës për të shprehur mbështetjen e tyre për ish-krerët e Ushtrisë Çlirimtare të Kosovës.

Ai thekson se në këtë ditë të rëndësishme nuk ka ndasi politike apo rajonale, por unitet kombëtar në kërkim të drejtësisë.

“Vetëm nga Heilbronni janë nisur rreth 300 bashkatdhetarë drejt Hagës në mbështetje të ish-krerëve të UÇK-së. Sot nuk na ndajnë partitë. Sot nuk ka rëndësi cilit regjion i takon. Sot jemi shqiptarë të bashkuar që kërkojmë drejtësi”, ka shkruar Sadiku në rrjetet sociale.