Nënkryetari i Komunës së Skenderajt, Sami Lushtaku, ka bërë me dije se ka nisur sot ndërtimi i urës në qendër të Skenderajt, projekt i cili përfshin zgjerimin dhe modernizimin e urës ekzistuese, duke i dhënë qytetit një infrastrukturë më funksionale dhe pamje më bashkëkohore.

“Ky investim do të lehtësojë qarkullimin e qytetarëve, do të rrisë sigurinë dhe do të kontribuojë në zhvillimin urban të qytetit. Me punë të përbashkët dhe projekte konkrete, po e bëjmë Skenderajn më modern dhe më të qasshëm për qytetarët tanë!”, ka shkruar Lushtaku në “Facebook”.