Nisma Socialdemokrate e Kosovës, ka nisur përgatitjet për zgjedhjet lokale. Kryetari Fatmir Limaj dhe anëtari i kryesisë Artan Nimani kanë vizituar degën e kësaj partie në Pejë. Kështu është bërë e ditur nga faqja zyrtare e Nismës.

Njoftimi i plotë:

Nisma Socialdemokrate nis përgatitjet për zgjedhjet lokale në Pejë

Kryetari i Nismës Socialdemokrate, z. Fatmir Limaj, së bashku me anëtarin e Kryesisë qendrore, Prof. Dr. Artan Nimani, dhe bashkëpunëtorë të tjerë, kanë realizuar një vizitë pune në degën e Nismës në Pejë.

Gjatë takimeve me strukturat lokale u diskutua për dinamikën e përgatitjeve për zgjedhjet lokale, mobilizimin organizativ dhe krijimin e ekipeve profesionale që do të ofrojnë alternativa të fuqishme për qytetarët e Pejës.

Nisma Socialdemokrate po ndërton një platformë të qartë zhvillimore dhe përfaqësuese, duke fuqizuar strukturat në çdo komunë me qëllim që të jetë afër qytetarëve dhe sfidave të tyre të përditshme.