Para disa ditësh, Kosova mori një lajm goxha të mirë.

Institucioni kryesor i drejtësisë së shtetit është pranuar si anëtare me të drejta të plota në mesin e gjykatave evropiane.

Me këtë rast, Gjykata Kushtetuese është bërë pjesë e plotë e Konferencës Evropiane të Gjykatave Kushtetuese.

Kësaj arritje i është gëzuar fort edhe Ambasada e Gjermanisë.

Përmes një postimi në “Story” të “Facebook”-ut është thënë  se ky është një hap kyç drejt integrimit evropian.

Po ashtu, kjo ambasadë ka falënderuar për punën dhe bashkëpunimin edhe ish-kryetarja Gresa Caka-Nimani.

Gjithashtu në postim është shprehur kënaqësia e bashkëpunimit edhe me kryetarin aktual, Nexhmi Rexhepi.