Kryeministri i Kosovës, Avdullah Hoti, ka kërkuar që sot të mbahet një minutë heshtje në gjithë Kosovën për Masakrën e Srebrenicës së Bosnjës, në 25 vjetorin e saj.

Edhe Kuvendi i Kosovës dje mbajti një minutë heshtje për viktimat e gjenocidit serb, por Lista Serbe refuzoi të qëndronte në sallë.

“Takimi u mbajt në prag të 25 vjetorit të masakrës së Srebrenicës, në të cilën forcat serbe vranë 8372 civilë boshnjakë. Tragjedia e Srebrenicës nuk mund të harrohet asnjëherë! Andaj, për t’i nderuar viktimat e kësaj tragjedie, në emër të Qeverisë së Kosovës, kërkoj që nesër, në të gjithë Kosovën, në orën 13.00, të mbahet një minutë heshtje”, ka thënë Hoti.