Sot është mbajtur seanca e radhës për rastin e Liridona Ademajt, ku vëllai i saj, Leonardi rrëfeu dëshminë e tij. Në këtë seancë, sipas gazetares Qëndresa Tërshani, Leonard Ademaj pati edhe një ballafaqim rreth 8 minutësh me Naim Murselin, i cili akuzohet për organizimin e vrasjes së bashkëshortes së tij, Liridonës.

Tërshani tha se sot ishte hera e parë që Naim Murseli pati të drejtë të bënte pyetje. Nga ana tjetër, Xherladina Rexhepi, në emisionin “Kosova Today” foli rreth ekzaminimit psikiatrik të Murselit, por që sipas saj, një njeri normal nuk mund ta vrasë gruan e tij në prani të fëmijëve. “Për mendim timin, një njeri normal s’mundet me e vra gruan, e lëre më ta vrasë në prani të fëmijëve”, u shpreh Rexhepi.

Nga ana tjetër gazetari Vullnet Krasniqi tha se afera që u përmend gjatë seancës gjyqësore, ka të bëjë me një vajzë të njohur për familjet.