Njëmbëdhjetë komuna, nga 26 të analizuara, do të shkojnë në balotazh sipas një sondazhi të EXIT POLL-it i prezantuar ekskluzivisht në Klan Kosova.

Sipas këtyre statistikave kryeqyteti i Kosovës, Prishtina, do të shkojë edhe një herë në zgjedhje, ku LDK-ja me Përparim Ramën dhe LVV-ja me Arben Vitinë do të garojnë edhe një herë për të parin e kryeqytetit.

Vendet e tjera që do të shkojnë në balotazh janë: Gjakova, Prizreni, Rahoveci, Gjilani, Klina, Malisheva, Podujeva, Vushtrria, Kaçaniku dhe Vitia.