Familja Bajgora nga komuna e Podujevës vazhdon të mbajë në shtëpi kalendarin e vitit 2008 vetëm pse në të gjendet fotografia e ish-presidentit ShBA-së, Bill Clinton.

Kjo nuk është e tëra. Kryefamiljari Hasan Bajgora e pagëzoi djalin e tij me emrin e politikanit demokrat.

“Bill Clinton kur e ka dhënë fjalimin që Beogradi e i ka qu mesazh që nëse myten qata njerëz aty unë kam me ta bombardu Beogradin për sa të kam mundësi e me t’ja lshu bombat. Neve na ka shpëtue”, tha Bajgora.

Por krenar që mban këtë emër është edhe vetë Clinton-i, tani 15 vjeçar, raporton Klan Kosova.

“Jam shumë i lumtur për emrin se na ka ndihmu gjatë luftës, një njeri kaq i madh”, thotë 15-vjeçari.

Madje ai thotë se ka raste kur duhet të prezantohet disa herë, pasi njerëzit ndjejnë çudi për emrin.

https://www.youtube.com/watch?v=EvsVPitKTK0