Presidenti i Francës, Emmanuel Macron thotë se vendi i tij ka dërguar tre avionë luftarakë për mbrojtjen e Krahut Lindor të NATO-s në Poloni.

Vendimi vjen pasi mbi 20 dronë rusë fluturuan mbi hapësirën ajrore të Polonisë. Më herët, Polonia njoftoi se kishte zhvendosur 40 mijë trupa në kufi, si përgjigje ndaj stërvitjes së përbashkët mes Rusisë dhe Bjellorusisë.

Deklarata e Macron:

Pas inkursioneve me dronë rusë në Poloni, kam vendosur të vendos tre avionë luftarakë Rafale për të kontribuar në mbrojtjen e hapësirës ajrore polake dhe të Krahut Lindor të NATO-s së bashku me aleatët tanë.

E bëra këtë angazhim dje para Kryeministrit polak.

E kam diskutuar këtë çështje edhe me Sekretarin e Përgjithshëm të NATO-s dhe me Kryeministrin Britanik, i cili është gjithashtu i angazhuar në mbrojtjen e Krahut Lindor.

Siguria e kontinentit evropian është përparësia jonë kryesore.

Ne nuk do t’i nënshtrohemi kërcënimeve në rritje të Rusisë.